Tuesday, November 29

बाल कलाकार सचिन परियारले फेरी मेरी बास्सैमा तहल्का पिटे (भिडियो सहित)

January 19, 2021 994

पछिल्लो समय सामाजिक सञ्जालमा निकै भाईरल बनेको एउटा बाल अनुहार सचिन परियार अब हास्य टेलिश्रृङ्खला मेरी बास्सैमा पनि आउने भएका छन् । आफ्नो अनौठो प्रतिभाका कारण फेसबुक,टिकटक जस्ता सामाजिक सञ्जालमा अहिले उनी निकै रुचाईएका छन् ।

गुल्मीका पत्रकारहरु मोहन बस्नेत, जीवन पाण्डे लगायतले उनको कलालाई सम्मान गर्दै ईन्द्रेणीसम्म पुर्याएका थिए । ईन्द्रणीमा उनले दिएको प्रस्तुतीलाई दर्शकहरुले निकै रुचाएका थिए । त्यस्तै केही समय अगाडी उनले गाएको ओठ खोलेर गीत युटुबमा सर्वाधिक हेरिएको छ ।

आर्थिक अभावका कारण सानैमा पढाई छाडेका सचिन परियार अहिले एक पछि अर्को गरी सामाजिक सञ्जाल र सञ्चार माध्यममा छाईरहेका छन् । तिनै बाल कलाकार सचिन परियार अब नेपालकै सर्वाधिक रुचाईएको हास्य टेलिश्रृङ्खला मेरी बास्सैमा खेल्ने भएका हुन् ।

उनको बोलीचालि हेरेर दर्शकहरु निकै रमाईलो मान्ने गर्दथे । उनै हास्य कलाकार समेत बनिसकेका सचिन परियारले मेरी बास्सै मार्फत अभिनयको भुमिका निर्वाह गर्र्दैछन् । सचिन परियारले मेरी बास्सैमा छोराको भुमिकामा देखिदैछन् । त्यस्तै उनको बाबा भुमिकाको रुपमा गुल्मीकै पत्रकार मोहन बस्नेत रहेका छन् ।

बस्नेत लगायतको समुहले नै उनलाई काठमाण्डौ लगेको हो । उनीहरुले पर्दामा दलित समुदायको प्रतिनिधित्व गरी अभिनय निभाउने छन् । त्यस्तै मेरी बास्सैमा नै अर्का पत्रकार जीवन पाण्डेले पनि अभिनय गरेका छन् । उनीहरुको सुटिङको काम सम्पन्न भईसकेको छ । उक्त भिडियो मेरी बास्सै यही मगंलबार नेपाल टेलिभिजन र युटुबमा पनि सार्वजनिक हुने बताईएको छ ।

प्रतिकृया दिनुहोस्