Monday, January 17

महाधिवेशन स्थलमै पुगेर कांग्रेसका हस्तीहरु एमाले प्रवेश

November 30, 2021 249

चितवन, मंसिर १४ नेपाली कांग्रेस दार्चुलाका प्रभावशाली नेताहरु एमाले प्रवेश गरेका छन । एमालेको दशौं महाधिवेशन स्थल शौरहामा आएर दार्चुला कांग्रेसका तीन जना प्रभावशाली नेताहरु आफ्नो टीमसहित एमाले प्रवेश गरेका हुन ।

उहाँहरुलाई एमालेको दशौं महाधिवेशनबाट सर्वाधिक मतका साथ अध्यक्षमा निर्वाचित हुन लाग्नुभएका केपी शर्मा ओलीले पार्टीमा स्वागत गर्नुभएको छ । प्रवेश गर्नेहरुमा मदन सिं धामी, नरेश सिं धामी, राजेन्द्र सिं धामी हुनुहुन्छ ।नवप्रवेसीहरुले केपी ओली र एमालेको नेतृत्वमा मात्रै मुलुकको समृद्धि हुने र राष्ट्यिता जोगिने निश्चित भइसकेको कारण आफूहरु कांग्रेससँगको आवद्धता त्यागेर एमाले रोजेको बताउनु भयो

एमालेमा पूर्वमाओवादीबाट बादलसहित ३ जना अनुमोदन नेकपा एमालेको १० औं महाधिवेशनबाट पूर्वमाओवादीबाट आएका ३ जना पदाधिकारीमा निर्वाचित भएका छन् । मंगलबार सम्पन्न निर्वाचनको मतपरिणामअनुसार उपाध्यक्षमा रामबहादुर थापा बादल तथा सचिवमा टोपबहादुर रायमाझी र लेखराज भट्ट विजयी भएका हुन् ।एमाले अध्यक्ष केपी शर्मा ओलीले बन्दसत्र पेश गरेकै पदाधिकारीको सूची मतदानबाट प्रतिनिधिहरुले अनुमोदन गरेका छन् ।

यो पनि पढ्नुहोस …काठमाडौं।नेपाली कांग्रेस १४ औं महाधिवेशनअन्तर्गत प्रदेश अधिवेशनको चरणमा पुगेको छ । जिल्लाका नतिजाहरू आएपछि बिहीबारदेखि प्रदेश अधिवेशन सुरू हुँदै छ । गण्डकीको नवलपुरबाहेक सबै जिल्लामा अधिवेशन सकिएको छ ।

गण्डकीका ११ जिल्लामध्ये ७ जिल्लामा सभापति शेरबहादुर देउवानिकट नेताहरू सभापति बनेका छन् भने गोरखामा गगन थापा र बागलुङमा कृष्ण सिटौलानिकटका सभापति निर्वाचित भएका छन् । मुस्ताङमा भने वरिष्ठ नेता रामचन्द्र पौडेल निकटका छन् । नवलपुरमा अधिवेशन सकिएको छैन ।

गोरखामा नन्दप्रसाद न्यौपाने, मनाङमा शंकर गुरुङ, मुस्ताङमा रोमी गौचन थकाली र म्याग्दीमा खमबहादुर गर्वुजा ९खम्बिर० निर्विरोध निर्वाचित भए । अन्य जिल्लामा भने निर्वाचनबाट नेतृत्व चयन भएको हो । बागलुङ र कास्कीमा दोश्रो चरणबाट नेतृत्व छानिएको छ भने बाँकी जिल्लामा एकै पटकमा सभापति निर्वाचित भए ।कास्कीमा किशोरदत्त बराल, तनहुँमा जीतप्रकाश आले, बागलुङमा जीत शेरचन, पर्वतमा युवराज जोशी, लमजुङमा टकराज गुरुङ र स्याङजामा राजु थापा निर्वाचित भए ।

धेरैले स्याङजाका सभापति थापालाई पौडेल निकट भनेपनि उनी देउवा नजिक छन् । यद्यपी यसपालिको निर्वाचनमा देउवा निकटकै अर्का उम्मेद्वार भागवत प्रकाश मल्ला उनीसँग पराजीत भए ।जिल्लाको निर्वाचन परिणाम आएपछि गण्डकी प्रदेशको नेतृत्वमा हानथाप सुरू भएको छ । यहाँ केन्द्रको छायाँ पर्ने निश्चित छ । शेरबहादुर देउवा निकटबाट अर्जुन जोशी एक्ला उम्मेद्वार बनेका छन् । उनले उम्मेद्वारी घोषणा गरेर आफ्नो प्यानल तयारी गरिरहेका छन् ।

बरिष्ठ नेता रामचन्द्र पौडेल आफ्नै गृह जिल्ला गुमाएपछि प्रदेशमा पनि कमजोर देखिएका छन् । संस्थापनइतरबाट अहिलेसम्म चार जना आकांक्षी देखिएका छन् । तीन जनाले पत्रकार सम्मेलन गरेर उम्मेद्वारी घोषणा गरे भने अर्का एकजना तयारीमा छन् ।सुरूमै कास्कीका देवराज चालिसेले दावी पेश गरे । त्यसपछि तनहुँका रघुनाथ पौडेल र कास्कीकै पूराना नेता शुक्रराज शर्माले घोषणा गरे ।

यज्ञबहादुर थापा सचिवालय खोलेर प्रचार थालिसकेका छन् । देउवा पक्षका जोशीले केही हेभिवेट नेताहरूलाई समेत मन्चमा राखेर आफ्नो उम्मेद्वारी घोषणा गरे ।

उनको घोषणासभामा पूर्व सभामुख तारानाथ रानाभाटदेखि खेमराज पौडेल, मन्त्रीहरू कुमार खड्का, विन्दुकुमार थापा, मेखलाल श्रेष्ठ, कास्की कांग्रेसका सभापति किशोरदत्त बराल र विभिन्न जिल्लाका नेता कार्यकर्ताहरू उपस्थित थिए । रानाभाट पौडेल समूह निकट मानिन्थे । ‘कांग्रेसलाई मजबुत बनाउन जोशीलाई जिताउनुपर्नेछ । उहाँमा कांग्रेस हाँक्ने खुवी छ,’ रानाभाटले घोषणासभालाई सम्बोधन गर्दै भने, ‘यो कुनै गुट होइन । विचार मिल्नेहरूको समूह हो ।’

जोशीले पनि आफू गुटको राजनीति नगर्ने दावी गरेका छन् । ‘शेरबहादुर देउवा ज्यूले कांग्रेसलाई मजवुत बनाउने अभियान थाल्नुभएको छ । देशलाई समृद्ध बनाउने काम सुरू गर्नुभएको छ,’ उनले भने, ‘हामीले उहाँको अभियानलाई सघाउनुपर्छ । तर, म गुटमा विश्वास गर्दिनँ र गुटलाई समर्थन पनि गर्दिनँ ।’ १३ औं महाधिवेशनमा केन्द्रीय सदस्य बन्नकै लागि जोशी पौडेल समूहबाट देउवा क्याम्पमा छिरेका हुन् ।

प्रतिकृया दिनुहोस्