Saturday, July 2

दुर्घटनाग्रस्त तारा एयरको जहाज खोज्ने युवाहरु मिडियामा – ”सुरुमा जहाज र मान्छे देख्दा डर लाग्यो” ( भिडियो सहित )

May 31, 2022 159

काठमाडौँ — तारा एयरको दुर्घटनाग्रस्त जहाज भएको स्थानमा पुगेका इन्दुसिंह शेरचनले ‘कोही पनि जीवित अवस्थामा नभेटिएको’ बताएका छन् । नेपाली सेना र सशस्त्र प्रहरीको टोलीले अहिले शव संकलन गरिरहेको बताए ।

उनका अनुसार पाइलटको मोबाइल फोन लोकेसेन र विमानको जिपीएसको आधारमा त्यसक्षेत्रमा दुर्घटनाग्रस्त विमानको खोजी भइरहेको थियो । तर आइतबार अन्धकारका कारण खोजी सम्भव नभएको भन्दै नेपाली सेनाको खोजी तथा उद्धार टोली जोमसोम फर्किएको थियो ।

म, सुमित गौचन भन्ने भाइ र नेपाल प्रहरीका एकजना इन्स्पेक्टर यार्सागुम्बा खोज्ने किसानसँगै राति यहीँ बसेका थियौं,’ उनले भने, ‘बिहान माथि गएका किसानले देखेपछि खबर गरेका थिए, हामी त्यहाँ पुगेर प्रहरीलाई खबर गरेका हौं ।’ त्यही आधारमा भर्खरै नेपाली सेनाको टोली हेलिकोप्टरमार्फत घटनास्थलमा पुगेको उनले बताए ।

विमानमा सवार सबै जनाको शव भेटिएको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिए। उनकाअनुसार १० जनाको शव सोमबार नै काठमाडौँ पठाइसकिएको छ भने बाँकी शवलाई समेत घटनास्थलबाट कोवाङमा झारिएको छ। सुरुमा जहाज दुर्घटना स्थलमा पहिलो पटक पुगेका युवा मिडियामा आएका छन् र त्याहाँको अवस्था बताएका छन् ।

तलको भिडियोमा हेर्नुहोस्…

प्रतिकृया दिनुहोस्