Sunday, August 7

उद्घाटन गर्दागर्दै भाँचियो पुल, मेयर साब श्रीमतीसँगै नालीमा पछारिए !- हेर्नुहोस् (भिडियो सहित)

June 8, 2022 222

काठमाडौं । एउटा पुल उद्घाटनका लागि महानगरपालिकाका मेयरसहित अन्य पदाधिकारी पुगेका थिए । उनीहरु यो पुलमा चढ्दा पुल भाँचिएर मेयरसहित करिब २ दर्जन मानिसहरू नालीमा पछारिए ।

यसको एउटा भिडियो पनि सार्वजनिक भएको छ । द गार्डियनका अनुसार घटना मेक्सिकोको क्वेर्निभाकाको हो । नगरका मेयरले नालीमाथिको फुटब्रिजको उद्घाटन गरेका थिए । काठको बोर्ड र धातुको चेनले यो पुल पुन: निर्माण गरिएको थियो। भिडियो हेरेर चेनबाट बोर्ड अलग्गिएका कारण यो घटना भएको अनुमान गरिएको छ ।

नगर परिषद्का सदस्यहरू र अन्य स्थानीय अधिकारीहरू ३ मिटर (१० फिट) तल नालीका ढुंगाहरूमा खसे। मोरेलोस राज्यका गभर्नर कुउहटेमोक ब्लान्कोले नालीमा खसेका मध्ये मेयर, उनकी श्रीमती, धेरै अधिकारी र पत्रकारहरू रहेको बताए। धेरै जना घाइते भए । त्यसपछि उनीहरूलाई अस्पताल लगिएको थियो ।

रिपोर्टका अनुसार मेयर जोसे लुइस उरियोस्टेगुईलाई पनि अस्पताल लगिएको थियो। उनलाई सामान्य चोट लागेको छ र खतरामुक्त छन् । क्षमताभन्दा बढी यात्रु चढेका कारण यो घटना भएको अनुमान गरिएको छ । घटनाको भिडियो पनि सार्वजनिक भएको छ, जसमा धेरै मानिसहरु नालीमा झरेको देखिन्छ । ती मानिसहरूलाई त्यहाँबाट निकाल्ने काम पनि भइरहेको छ।

भिडियो हेर्न यहाँ क्लिक गर्नुहोस्..

जलवायु परिवर्तनको असर ः खेर जाँदै जङ्गली फलफूल गलेश्वर, २५ जेठ । यतिबेला म्याग्दीका ग्रामीण भेगका पाखा र जङ्गलमा ऐँसेलु, काफल, चुत्रो, जानमान्द्रो, मच्छ्यान्नोलगायतका जङ्गली फलफूल पाकेका छन् । तर, गाउँघर युवाविहीन भएका र सहर बजारबाट मानिस गाउँ नउक्लिएकाले पौष्टिकताले युक्त स्वादिष्ट ‘अग्र्यानिक’ जङ्गली फलफूल जङ्गलमा नै कुहेर खेर गइरहेका छन् ।

विश्वव्यापी महामारीका रुपमा फैलिएको कोरोना भाइरस सङ्क्रमण रोकथाम तथा नियन्त्रणका लागि सरकारले लागू गरेको बन्दाबन्दीका कारण गाउँ पुगेका युवा जङ्गली फलफूलको स्वादमा रमाएका भए पनि यस वर्ष भने ती फलफूल चराको आहारा र कुहेर खेर गएको स्थानीयले बताएका छन् । गत दुई वर्ष विदेश र शहरबाट आएका युवाको गाउँको बसाइले गाउँबस्तीमा चहलपहल बढाएको थियो ।

“यस वर्ष जङ्गलमा तीजु पाकेर खेर गए, अहिले चुत्रो र ऐँसेलु पाकेको छ, तर खाने मान्छे नहुँदा ती फलफूल त्यत्तिकै जङ्गलमा खेर गइरहेका छन्”, गौश्वाराका चन्द्रकान्त रिजालले भन्नुभयो, “पछिल्लो समय गाउँका बस्ती सुनसान भएका छन् । जङ्गलमा पाकेका मौसमी फलफूल त्यत्तिकै खेर गइरहेका छन् ।”

वनस्पति, कृषि र मानवस्वास्थ्यमा पछिल्लो समय जलवायु परिवर्तनका असर प्रत्यक्षरुपमा देखिन थालेका छन् । सामान्यतया चैत–वैशाखमा फुल्ने लालीगुराँस यस वर्ष साविकभन्दा पहिले नै फुले । त्यसैगरी काफल र ऐँसेलुजस्ता जङ्गली फल पनि बेमौसममै फल्न सुरु भएको स्थानीय बताउँछन् ।

फागुनको मध्यदेखि कोपिला लाग्न सुरु हुने लालीगुराँस यस वर्ष भने फागुनको दोस्रो सातामा नै ढकमक्क फुलेका थिए । जिल्लाका जङ्गलमा पुसदेखि नै लालीगुराँस फुल्नाका साथै जङ्गली फलफूल र कन्दमूल पाक्न थालेका थिए । यसरी बेमौसममा नै लालीगुराँस फुल्नु र जङ्गली फलको मौसमी चक्र परिवर्तन हुनुमा तापमानअर्थात जलवायु परिवर्तनको प्रत्यक्ष असर परेकोे वातावरण संरक्षणकर्मी चन्द्रमणि सापकोटाले बताउनुभयो ।

सापकोटाका अनुसार समय अगाडि नै गुराँस फुल्नु र बेमौसमी फल फल्नु स्वभाविक प्राकृतिक गुण नभएर वातावरणीय असर हो । विश्वमा बढ्दो तापक्रम वृद्धि र जलवायु परिवर्तनका कारण कतिपय देखिने र धेरै नदेखिने परिवर्तन भइरहेका छन् ।

अन्य, फूलसमेत बेमौसममा फुल्न थालेको र अन्नबालीमासमेतमा यसको असर देखिएको मङ्गला गाउँपालिकाका हरिकृष्ण पौडेलले बताउनुभयो । “अहिले बेमौसममा नै काफल, तिजुलगायत जङ्गली फल पाकेको र अन्नबालीको फल लाग्ने र खेती गर्ने समयसमेतमा नजाँनिदो गरी परिवर्तन आएको छ,” उहाँले भन्नुभयो । dcnepal

प्रतिकृया दिनुहोस्